‘एमएच ४२ बीडब्ल्यू’ क्रमांकाची चारचाकी वाहनांसाठी नवी मालिका

बारामती, ता. १७ : खासगी चारचाकी संवर्गातील वाहनांसाठी उपप्रादेशिक परिवहन कार्यालय, बारामती येथे ‘एमएच ४२ बीडब्ल्यू’ (MH ४२ BW) क्रमांकाची नवी मालिका सुरू करण्यात येणार असून आकर्षक व पसंतीचे क्रमांक राखीव ठेवण्यासाठी वाहनधारकांनी अर्ज करावेत, असे आवाहन करण्यात आले आहे.
आकर्षक किंवा पसंतीचा नोंदणी क्रमांक हवा असलेल्या वाहनधारकांनी मंगळवारी (ता. २०) दुपारी ३ वाजेपर्यंत विहित नमुन्यात धनाकर्ष (डी.डी.)सह अर्ज सादर करावा. एकाच क्रमांकासाठी एकापेक्षा अधिक अर्ज आल्यास त्यांची यादी बुधवारी (ता. २०) सकाळी १०.३० वाजता कार्यालयाच्या सूचना फलकावर प्रसिद्ध करण्यात येईल.
यादीतील अर्जदारांनी लिलावासाठी जास्त रकमेचा धनाकर्ष सीलबंद पाकिटात २१ जानेवारी रोजी दुपारी ३.३० वाजेपर्यंत कार्यालयात जमा करावा.
त्याच दिवशी दुपारी ४ वाजता संबंधित अर्जदारांसमोर पाकिटे उघडण्यात येऊन, विनिर्दिष्ट शुल्कापेक्षा जास्त रकमेचा धनाकर्ष सादर करणाऱ्या अर्जदारास पसंतीचा क्रमांक वितरित करण्यात येणार आहे.
अर्जासोबत पत्त्याचा पुरावा, छायाचित्र ओळखपत्र व पॅनकार्डची स्वाक्षांकित प्रत जोडणे आवश्यक असून धनाकर्ष हा “DY RTO, BARAMATI” या नावाने राष्ट्रीयकृत किंवा अनुसूचित बँकेचा बारामती येथील असावा.