अनेकांत स्कूलमध्ये अक्षराभ्यास विधी

बारामती, ता. २४ : अनेकान्त इंग्लिश मीडियम स्कूल येथे वसंत पंचमीचा सण भक्तिभावाने साजरा करण्यात आला. यानिमित्त नव्याने प्रवेश घेतलेल्या नर्सरीच्या चिमुकल्या विद्यार्थ्यांचा अक्षराभ्यास विधी पारंपरिक पद्धतीने संपन्न झाला.
कार्यक्रमाची सुरुवात संगीता मिलिंद शहा (वाघोलीकर) यांच्या हस्ते विद्या, कला व संगीताची अधिष्ठात्री देवी सरस्वती यांच्या पूजनाने करण्यात आली. यानंतर भावनिक वातावरणात चिमुकल्या विद्यार्थ्यांचा अक्षराभ्यास विधी पार पडला. विद्यार्थ्यांनी पाटीवर पहिले अक्षर गिरवताच त्यांच्या औपचारिक शिक्षणप्रवासाची मंगल सुरुवात झाली. वसंत ऋतूचे प्रतीक असलेल्या पिवळ्या रंगांनी संपूर्ण शाळा परिसर उजळून निघाला होता.