राज्यभरातील लोकांकडून पवार कुटुंबीयांचे सांत्वन

बारामती, ता. ४ : दिवंगत उपमुख्यमंत्री अजित पवार यांच्या निधनानंतर पवार कुटुंबीयांच्या सांत्वनासाठी बुधवारीही (ता. ४) बारामतीत राज्यभरात लोकांनी मोठी गर्दी केली होती. बारामतीतील सहयोग सोसायटीतील निवासस्थानी लोक पवार कुटुंबीयांचे सांत्वन करण्यासाठी मोठ्या संख्येने येत होते.
आज संध्याकाळी ज्येष्ठ नेते शरद पवार व प्रतिभाताई पवार हे देखील सहयोग या निवासस्थानी पोहोचले. त्यानंतर काही काळ त्यांनीही राज्यभरातून आलेल्या लोकांची भेट घेतली. याप्रसंगी उपमुख्यमंत्री सुनेत्रा पवार यांच्यासह पार्थ पवार जय पवार व इतर सर्व पवार कुटुंबीय उपस्थित होते.
दरम्यान, बुधवारी सकाळी विद्या प्रतिष्ठान शैक्षणिक संकुलामध्ये झालेल्या बैठकीस शरद पवार यांच्या समवेत पार्थ पवार व जय पवार हे दोघेही उपस्थित होते. बैठकीतील विषयांचा तपशील नेमका समजला नसला तरी अजित पवार यांच्या नियोजित स्मारकाविषयी या बैठकीत चर्चा झाली असल्याची माहिती समोर येत आहे.
BMT26B14395