कडाचीवाडीत कोयता बाळगल्याप्रकरणी एकास अटक

चाकण, ता.६: कडाचीवाडीच्या (ता.खेड) हद्दीत तुळजाभवानी हॉटेलजवळ बेकायदा कोयता बाळगल्याने खंडणी विरोधी पथकाने एकाला अटक केली. ही घटना शनिवारी (ता.४) सायंकाळी पावणेसहाच्या सुमारास घडला. याप्रकरणी आरोपी अमोल विश्वनाथ लाटूकर (वय २६, रा. एकतानगर, चाकण ता. खेड) याला अटक केली आहे, अशी माहिती चाकण पोलिस ठाण्याचे वरिष्ठ पोलिस निरीक्षक अशोक कदम यांनी दिली.

पोलिसांत फिर्याद पोलिस अंमलदार सुधीर डोळस, गुन्हे शाखा पिंपरी-चिंचवड यांनी दिली. आरोपीला दोन वर्षांसाठी जिल्ह्याच्या हद्दीतून तडीपार केले होते. चाकण परिसरात फिरत असताना त्याला ताब्यात घेण्यात आले. शारीरिक इजा होईल, अशी कोणतीही वस्तू बरोबर नेण्याची तसेच बाळगण्याची मनाई असताना त्याने हा प्रकार केला.