वरिष्ठ पोलिस निरीक्षकांची तडकाफडकी बदली

चाकण, ता. ९ : येथील वाहतूक विभागाचे वरिष्ठ पोलिस निरीक्षक संतोष कसबे यांची तडकाफडकी बदली करण्यात आली आहे. चाकण येथील वाहतूक कोंडी सुरळीत होण्यासाठी संतोष कसबे यांची येथे नियुक्ती वर्षभरापूर्वी केली होती. वाहतूक कोंडी सुरळीत करण्यासाठी तळेगाव चौक, आंबेठाण चौक, माणिक चौकात वाहतूक नियंत्रक दिवे लावणे, चौकात पथदिव्यांची सोय करणे. फोडलेले दुभाजक व्यवस्थित करून घेणे, तळेगाव, आंबेठाण, माणिक चौकात, एमआयडीसी फाटा, आळंदी फाटा येथे होणारी कोंडी कमी करण्यासाठी त्यांनी प्रयत्न केले. मात्र, त्यांची अचानक बदली केल्याने तर्कवितर्कांना ऊत आला आहे.