खराबवाडी येथे चित्रपट महोत्सव

चाकण, ता.२७ : खेडचे माजी आमदार दिलीप मोहितेपाटील यांच्या वाढदिवसानिमित्त विविध कार्यक्रमांचे आयोजन करण्यात आलेले आहे. यामध्ये महात्मा फुले फ्री चित्रपट महोत्सव ता. २७ ते ३० मे आयोजित केला आहे.
खराबवाडी येथील धर्मात्मा मल्टिप्लेक्स थिएटर सारा सिटी फिल्म फेस्टिवलचे आयोजन केले आहे. दररोज तीन शो फ्री दाखविण्यात येणार आहे. २९ ते ३० मे दरम्यान चाकण ग्रामीण रुग्णालय, खेड ग्रामीण रुग्णालय तसेच आळंदी ग्रामीण रुग्णालय येथे फ्री हेल्थ चेकअप होणार आहे. तालुक्यातील विविध भागात दोन हजार छत्र्यांचे मोफत वाटप करण्यात येणार आहे.
राजगुरुनगर येथे चंद्रमा गार्डन मंगल कार्यालयात शुक्रवारी (ता. ३०) सकाळी साडेदहा वाजता गुणवंत विद्यार्थी सत्कार समारंभ तसेच करिअर मार्गदर्शन मेळावा आयोजित केलेला आहे. त्याला मार्गदर्शन प्रा. विठ्ठल कांगणे सर करणार आहेत. ता. २९ मे ला सकाळी नऊ ते सायंकाळी पाच वाजेपर्यंत आमदार दिलीप मोहिते पाटील यांच्या निवासस्थानी रक्तदान शिबिराचे आयोजन केले आहे. तर आळंदी येथे (ता.५) सायंकाळी पाच ते सात या वेळेत फ्रुटवाले धर्मशाळेमध्ये सुप्रसिद्ध कीर्तनकार, समाज प्रबोधनकार निवृत्ती महाराज देशमुख इंदुरीकर यांचा कीर्तन सोहळा होणार आहे. कार्यक्रमाचे आयोजन राष्ट्रवादी काँग्रेस पक्ष खेड तालुका, माजी आमदार दिलीप अण्णा मोहिते पाटील युथ सिंडिकेट यांनी केले आहे.