बेळगावहून वीस टन रताळ्याची आवक
चाकण, ता.८: चाकण (ता. खेड) येथील महात्मा फुले बाजारात कर्नाटक, बेळगाव येथून रविवारी (ता.८) रताळ्याची सुमारे वीस टन आवक झाली. त्यास प्रतिकिलोला ३५ ते ४० रुपये बाजारभाव मिळाला. पावसामुळे शेती बागायती पिकांचे राज्यातील काही भागात नुकसान झाल्याने फळभाज्यांचे, पालेभाज्यांचे भाव प्रतिकिलोला दहा, ते ३० रुपयांनी वाढले आहेत. किरकोळ बाजारातील भाववाढ ३० ते ४० रुपये प्रतिकिलोला झाल्याने ग्राहकांचे नुकसान होत आहे.
टोमॅटोला तीस टन आवक होऊन घाऊक बाजारात त्यास प्रतिकिलोला १० ते २० रुपये बाजारभाव मिळाला. दिल्लीतून सुमारे पन्नास टन हिरव्या मिरचीची आवक झाली. तिला प्रतिकिलोला ३० ते ४० रुपये बाजारभाव मिळाला. कांद्याची आवक एक हजार क्विंटल झाली.कांद्याला प्रतिकिलोला किमान आठ रुपये तर कमाल चौदा रुपये बाजारभाव मिळाला.
महात्मा फुले बाजारात हिरव्या वाटण्याला मागणी वाढते आहे. हिरव्या वाटाण्याला घाऊक बाजारात प्रतिकिलोला शंभर ते १२० रुपये बाजारभाव मिळाला. बुलडाणा, नंदुरबार जिल्ह्यातून हिरवट पिवळ्या देशी मिरचीची सुमारे पन्नास टन आवक झाली. दिल्लीतून आलेल्या हिरव्या मिरचीला घाऊक बाजारात प्रतिकिलोला तीस ते चाळीस रुपये भाव मिळाला.
लसणाची आवक अठ्ठावीस क्विंटल झाली. बाजारात इंदोर, आग्रा, गुजरात येथून बटाट्याची चौदाशे क्विंटल आवक होत आहे.
फळभाज्यांचे किलोचे भाव पुढील प्रमाणे: हिरवी मिरची : ३० ते४०, हिरवा वाटाणा: १०० ते १२०, भेंडी: ३५ ते ४५, टोमॅटो: १० ते२०, गवार : ६० ते ८०, फ्लॉवर : १४ ते २० रुपये, कोबी: ८ ते १२, दुधी भोपळा: १५ ते २५, राजमा वाल: १००, चवळी: ३० ते ४०, वांगी: २५ ते ३५, काकडी: -१५ ते २५, गाजर: १० ते २०, कारली: ३५ ते ४५.
कोबी,फ्लॉवरचे भाव फारच गडगडले
जिल्ह्यात पावसाने कोबी, फ्लॉवर च्या पिकाचे मोठ्या प्रमाणात नुकसान झाले असले तरी कोबी, फ्लॉवरचे भाव खूपच गडगडले आहेत. त्यामुळे शेतकऱ्यांचे आर्थिक नुकसान होत आहे. काही शेतकऱ्यांनी शेतातील कोबी,फ्लॉवर पीक काढून टाकले आहे. बाजारात विक्रीसाठी येणाऱ्या कोबी, फ्लॉवरला अगदी प्रती किलोला आठ ते दहा, बारा, चौदा रुपये भाव मिळत आहे.
मेथी, कोथिंबिरीच्या भावात वाढ
बाजारात कोथिंबीर, मेथी, शेपूच्या सुमारे एक लाखावर जुड्यांची आवक झाली. मेथीची एक जुडी पंचवीस ते तीस रुपयाला विकली गेली. कोथिंबिरीची एक जुडी वीस ते अठ्ठावीस रुपयाला विकली गेली. पालकाच्या बाराशे जुड्यांची आवक झाली. एक जुडी दहा ते अठरा रुपयाला विकली गेली.
08608
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.