श्री हनुमान ग्रामीण बिगरशेती पतसंस्थेच्या अध्यक्षपदी लष्करे

चाकण, ता. १३ : चाकणची कडाचीवाडी (ता. खेड) येथील श्री हनुमान ग्रामीण बिगरशेती सहकारी पतसंस्थेच्या निवडणुकीत अध्यक्षपदी पांडुरंग लष्करे, तर उपाध्यक्षपदी विशाल पऱ्हाड यांची बिनविरोध निवड झाली असल्याची माहिती संस्थेचे नवनिर्वाचित अध्यक्ष पांडुरंग लष्करे यांनी दिली.
या संस्थेची पंचवार्षिक निवडणूक २०२५-२९ महाराष्ट्र शासन, सहाय्यक निबंधक सहकारी संस्था, खेडचे अधिकारी यांच्या अध्यक्षतेखाली खेळीमेळीच्या वातावरणात बिनविरोध पार पडली. यावेळी संस्थेचे संस्थापक जयवंत कड, अध्यक्ष पांडुरंग लष्करे, उपाध्यक्ष विशाल पऱ्हाड तसेच संचालक मंडळाची निवडणूकही बिनविरोध झाली. यामध्ये संचालकपदी किरण झिंजुरके, राजेंद्र कड, राजाराम कड, उद्धव कड, शांताराम खांडेभराड, सुरेश सोनवणे, साधना कड, बेबी कोतवाल आदींची निवड केली आहे. या निवडीनंतर संस्थेचे अध्यक्ष लष्करे, उपाध्यक्ष पऱ्हाड यांनी सांगितले की, ही संस्था तालुक्यातील जुनी संस्था आहे. या संस्थेचे शेतकरी, कामगार, महिला, मजूर आदी सभासद आहेत. या संस्थेच्या माध्यमातून गोरगरीब, शेतकरी, मजूर, कामगार, महिला आदी वर्गांचा आर्थिक विकास झाला आहे. पुढील काळातही अधिक कर्ज उपलब्ध करून सर्वसामान्यांचा आर्थिक विकास कसा होईल याकडे लक्ष दिले जाईल.