विविध प्रश्‍न सोडविण्यासाठी काळूसला शेतकऱ्यांना मेळावा

चाकण, ता.१६: काळूसला (ता. खेड) येथे रयत क्रांती संघटनेचे प्रदेशाध्यक्ष सागर खोत यांच्या नेतृत्वाखाली शेतकऱ्यांच्या विविध प्रश्नासाठी ते प्रश्न सोडविण्यासाठी शेतकरी मेळाव्याचे केले होते. त्यास शेतकऱ्यांचा मोठा प्रतिसाद मिळाला, अशी माहिती रयत क्रांती संघटनेचे नवनिर्वाचित पुणे जिल्हाध्यक्ष सुभाष पवळे यांनी दिली.

मेळाव्यात संघटनेच्या कार्यकर्त्यांना निवडीबद्दल पत्र देण्यात आली. त्यामध्ये पुणे जिल्हाध्यक्ष म्हणून सुभाष पवळे, खेड तालुका अध्यक्ष विश्वनाथ पोटवडे, जुन्नर तालुका अध्यक्ष शशिकांत सोनवणे, आंबेगाव तालुका अध्यक्ष ज्ञानेश्वर असावरे यांची निवड करण्यात आली व शेतकऱ्यांच्या विविध प्रश्नांवर चर्चा होऊन खेड तालुक्यातील ४५ वर्षापासून शेतकऱ्यांच्या सातबारा उताऱ्यावर असणारे पुनर्वसनाचे बेकायदेशीर शिक्के काढण्यात यावे. शेतकऱ्यांना पिकांची नुकसान भरपाई हेक्टरी २५ हजार रुपये मिळावी.शेती पंपाला वीज दिवसा बारा तास जादा दाबाने मिळावी. दुधाला योग्य भाव मिळावा, अशा अनेक विषयावर चर्चा होऊन येत्या पावसाळी अधिवेशनात संघटनेचे संस्थापक,अध्यक्ष माजी कृषिमंत्री आमदार सदाभाऊ खोत यांना निवेदन देऊन या विषयावर लक्षवेधी मांडून प्रश्न सोडवले जातील असे आश्वासन सागर खोत यांनी दिले.
बाळासाहेब दौंडकर यांनी आभार मानले.