चाकण येथील अतिक्रमणांवर होणार कारवाई

चाकण येथील अतिक्रमणांवर होणार कारवाई

Published on

चाकण, ता. २० : चाकण (ता. खेड) शहरात होत असलेली वाहतूक कोंडी, रहदारीची समस्या लक्षात घेता रस्त्यावर वाढत चाललेली अतिक्रमणे काढून टाकण्यासाठी चाकण नगरपरिषदेच्या वतीने अतिक्रमण धारकांवर कारवाई करण्यात येणार आहे. अतिक्रमणधारकांनी आपली अतिक्रमणे काढून घेऊन नगरपरिषदेला सहकार्य करावे, असे आवाहन चाकण नगरपरिषदेचे मुख्याधिकारी डॉ. अंकुश जाधव यांनी केले आहे.
शहरातील माणिक चौक, जुना पुणे- नाशिक रस्ता, चाकण- शिक्रापूर रोड, चाकण- तळेगाव रोड, आंबेठाण चौक, महात्मा फुले चौक, जुनी बाजारपेठ आदी ठिकाणी अनधिकृत टपरीधारक व अतिक्रमणधारकांनी रस्त्यावर व्यवसाय मांडल्यामुळे वाहनांना व नागरिकांना रस्त्यावरून ये- जा करणे अक्षरशः अवघड झाले आहे. या बाबतीत नागरिकांकडून वारंवार अतिक्रमण निर्मूलन करण्याबाबत व वाहतुकीला शिस्त लावण्याबाबत नगरपालिकेकडे तक्रारी करण्यात येत आहेत. शहरातील वाहतुकीसंदर्भात चाकण पोलिस ठाण्यामार्फत वाहनधारकांवर दंडात्मक कारवाई करण्यात येत असली तरी शहरात रस्त्याच्या दोन्ही बाजूला कायम गाळेधारक, व्यावसायिक व टपरीधारक हातगाडीवाले यांनी रस्त्यावर अतिक्रमण करून वाहतुकीला अडथळा निर्माण केला आहे. यासाठी चाकण नगरपरिषदेच्या वतीने कडक मोहीम राबविण्यात येणार आहे. अतिक्रमणधारकांवर कडक कारवाई करण्यात येणार आहे. ही कारवाई टाळण्यासाठी अतिक्रमणधारकांनी स्वतःहून अतिक्रमणे काढून घ्यावीत. नगरपरिषदेला सहकार्य करावे व व्यावसायिकांनी रस्त्यावर अतिक्रमण न करता योग्य ठिकाणी आपले व्यवसाय करावेत, असे आवाहन चाकण नगरपरिषदेचे शहर अभियंता तथा अतिक्रमण विभाग प्रमुख संतोष गायकवाड यांनी केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com