चाकणला राजमा २०० रुपये किलो

चाकण, ता. १५ : खरीप हंगामातील उगवलेली पिके पावसाच्या पाण्याने सडली गेली. त्यामुळे यंदा राजमा वाल, मूग, उडीद ही पिके उशिरा येत आहेत. त्याचा फटका राजमा वाल हा बाजारात अल्प प्रमाणात येत आहे. राजमा वाल हा अहिल्यानगर जिल्ह्यातील आहे. राजमा वालाला उच्चांकी दोनशे रुपये प्रतिकिलोला बाजारभाव किरकोळ बाजारात मिळत आहे.
पावसाने मे,जून, जुलै या महिन्यात मोठी आघाडी घेतलेली आहे त्यामुळे जून महिन्याच्या सुरुवातीला काही उघडीप झाल्यानंतर ज्यांनी पेरण्या केल्या ती पिकेही पावसाने पाण्यात सडली गेली. विक्रेते मच्छिंद्र रामाने यांनी सांगितले की,राजमा वालाच्या शेंगांची आवक अत्यल्प आहे .मागणी ही अधिक आहे त्यामुळे प्रतिकिलोला दोनशे रुपये भावाने राजमा वालच्या शेंगा बाजारात विकल्या जात आहे. स्थानिक जिल्ह्यातून हिरव्या वाटाण्याची आवकही होत नाही त्याचे उत्पादनही सुरू झालेले नाही.