चाकणला आज कवितेचा श्रावणसोहळा

चाकण, ता. २ : महाराष्ट्र साहित्य परिषदेची राजगुरुनगर शाखा, दिवंगत माजी आमदार सुरेश गोरे प्रतिष्ठान आणि मानसमैत्री फाउंडेशन चाकण यांच्या वतीने चाकण येथील गुडलक हॉटेलच्या सभागृहात सकाळी १० वाजता श्रावणसाज काव्यमैफल आणि पुरस्कार वितरण सोहळा होणार आहे. अशी माहिती मसापचे राजगुरुनगर शाखा अध्यक्ष संतोष गाढवे यांनी दिली.
माणदेश कवी डॉ. लक्ष्मण हेंबाडे यांच्या अध्यक्षतेखाली होणाऱ्या संमेलनात राज्यभरातून शंभर कवींनी नोंदणी केली आहे. प्रसिद्ध कवी देवा झिंजाड प्रमुख पाहुणे असून पुणे विद्यापीठाच्या मराठी अभ्यास मंडळाचे अध्यक्ष डॉ. संदीप सांगळे अध्यक्षस्थानी आहेत. सुरेशभाऊ गोरे प्रतिष्ठानचे अध्यक्ष नितीन गोरे कार्यक्रमाचे उद्‍घाटन करणार असून नगरसेवक महेश शेवकरी, यशदाचे व्याख्याते शरदबुट्टे पाटील, गीतकार हरिदास कड यांची उपस्थिती असणार आहे. मनोहर शेवकरी, नारायण करपे, बाबाजी शिंदे, मधुकर गिलबिले, शुभांगी झरेकर, मनोहर मोहरे संमेलनाचे संयोजन करणार आहेत.