चाकणला बटाट्याची पंधराशे क्विंटल आवक

चाकण, ता.१० : चाकण (ता. खेड) येथील खेड कृषी उत्पन्न बाजार समितीच्या महात्मा फुले बाजार आवारात रविवारी (ता. १०) उत्तर प्रदेश, आग्रा, मध्यप्रदेश इंदोर, गुजरात येथून सुमारे पंधराशे क्विंटल बटाट्याची आवक झाली. त्यास प्रतिकिलोला दहा ते पंधरा रुपये बाजारभाव मिळाला.
बाजारात कांद्याची सुमारे नऊशे क्विंटल आवक झाली. त्यास प्रतिकिलोला किमान दहा रुपये ते कमाल १५ रुपये बाजारभाव मिळाला. बाजारभाव घसरल्याने शेतकरी तसेच, व्यापाऱ्यांनी चिंता व्यक्त केली. टोमॅटोची जिल्ह्यातून तसेच नगर, नाशिक जिल्ह्यातून सुमारे पन्नास टन आवक झाली. त्यास घाऊक बाजारात ३०,४० रुपये प्रतिकिलो बाजारभाव मिळाला, अशी माहिती खेड कृषी उत्पन्न बाजार समितीचे सभापती विजय शिंदे, उपसभापती क्रांती सोमवंशी, सचिव बाळासाहेब धंद्रे यांनी दिली.
बाजाराच्या आवारात हिरव्या मिरचीची दिल्लीतून तसेच राज्यातील बुलडाणा व इतर भागातून सुमारे ५० टन आवक झाली. हिरव्या मिरचीला प्रतिकिलोला किमान ४० ते कमाल ५० रुपये बाजारभाव मिळाला. किरकोळ बाजारात हिरवी मिरची ८० ते शंभर रुपये प्रतिकिलोने विकली जात आहे.

फळभाज्यांचे प्रतिकिलोचे बाजारभाव पुढील प्रमाणे : टोमॅटो : ३०-४०, कारली : २०-३०, दोडका : ३०-४०, भेंडी : २५-३५, गवार : ४०-७०, कोबी : ५-६, फ्लॉवर : १० -१५, वांगी : २० ते ३०, काकडी : ८ ते १२, वालवर : ५०-७०, हिरवी मिरची : ४०-५०, दुधी भोपळा -१०: २०, शेवगा : २०-३०, ढोबळी मिरची : २०-३०, चवळी : १० -२०, हिरवा वाटाणा : ७०-८०, गाजर : २०-३०, आले : २०-३०.

कोथिंबिरीच्या जुडीला पाच रुपये भाव
कोथिंबीर, मेथीच्या सुमारे एक लाख वर जुड्यांची आवक झाली. कोथिंबिरीच्या एका जुडीला तीन ते पाच रुपये भाव मिळाला. मेथीच्या एका जुडीला पाच ते दहा रुपये भाव मिळाला. शेपू च्या एका जुडीला चार ते सहा रुपये भाव मिळाला तर पालकच्या एका जुडीला चार ते सहा रुपये
09026