पाईटच्या अपघातातील आणखी एका महिलेचा उपचारादरम्यान मृत्यू

चाकण, ता. १४ : पाईट (ता. खेड) येथील कुंडेश्वर घाट रस्त्याच्या दरीत सोमवारी (ता. ११) पिकअप टेंपो कोसळून झालेल्या अपघातात दहा महिलांचा मृत्यू झाला होता. तर, ३१जण जखमी झाले होते. त्यांच्यावर विविध रुग्णालयात उपचार सुरू आहेत. त्यातील सुलाबाई बाळू चोरघे (वय ५०, रा. पाईट- पापळवाडी) या महिलेचा गुरुवारी (ता. १४) सायंकाळी साडेचारच्या सुमारास चिंचवड येथील खासगी रुग्णालयामध्ये उपचारादरम्यान मृत्यू झाला, अशी माहिती महाळुंगे पोलिस ठाण्याचे वरिष्ठ पोलिस निरीक्षक दिगंबर सूर्यवंशी, पोलिस निरीक्षक अनिल देवडे यांनी दिली. या घटनेत मृत महिलांची संख्या वाढल्यामुळे पाईट, पापळवाडी परिसरावर दुःखाचे सावट वाढले आहे. त्यामुळे कुटुंबीय, नातेवाईक चिंतेत आहेत.
CHN25B09064