कचरा टाकल्याप्रकरणी दोघांवर गुन्हा दाखल
चाकण, ता. १६ : चाकण वनविभागाच्या (ता. खेड) चऱ्होली खुर्द (ता. खेड) वन विभागाच्या हद्दीत राखीव वनात खराब झालेले औषध गोळ्याचे होत बॉक्स टाकल्याप्रकरणी आरोपी ज्ञानेश्वर पवार (वय ४५, रा. आळंदी ता. खेड), तसेच औषध, गोळ्या वनक्षेत्रात टाकण्यासाठी प्रोत्साहन देणारे डॉ. अशोक शिंदे (वय ४०, रा. आळंदी) या दोघांवर भारतीय वन अधिनियम कायदा व कलमानुसार गुन्हा नोंद करून वाहन जप्त केले आहे, अशी माहिती चाकण वनपरिक्षेत्राचे अधिकारी संतोष कंक यांनी दिली.
आरोपी पवार याने वाहनातून चऱ्होली खुर्द येथील आळंदी ते वडगाव घाट या राखीव वनक्षेत्रात औषध गोळ्या टाकल्या होत्या. त्या वन्य प्राणी खाण्याची शक्यता नाकारता येत नाही. तसेच, राखीव वनातील पाणी प्रदूषित होऊन वन्य प्राणी, पक्षी वनस्पती यांच्या जीवितास धोका निर्माण होऊ शकतो. त्यामुळे गुन्हा दाखल केला आहे. या गुन्ह्यास दोन वर्षापर्यंत कारावास, तसेच पाच हजार रुपयापर्यंत शिक्षेची तरतूद आहे किंवा दोन्ही शिक्षा आहेत. ही कारवाई जुन्नर वनविभागाचे उपवनसंरक्षक प्रशांत खाडे यांच्या मार्गदर्शनाखाली सहाय्यक वनसंरक्षक अमृत शिंदे, वनपरिक्षेत्र अधिकारी संतोष कंक, वनपाल आनंदकुमार इंदलकर, वनरक्षक अचल गवळी, वनरक्षक नवनाथ पगडे यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.