खेडच्या मतदारयादीतील दुबार नावे वगळा : मोहिते

चाकण, ता. १५ : खेड तालुक्यातील मतदार यादीत मोठा घोळ आहे. तो हटवून, तसेच वाढलेले मतदार कमी करून निवडणुका घ्याव्यात, अशी मागणी माजी आमदार दिलीप मोहिते यांनी जिल्हाधिकारी जितेंद्र डुडी यांच्याकडे केली आहे.
याबाबत मोहिते यांनी सांगितले की, जिल्हा परिषदेच्या आळंदी ग्रामीण गणात दोन हजार नावे जे मतदार आळंदी नगर परिषदेला मतदान करतात, त्यांची आलेली आहेत. ती नावे कमी करावीत, तसेच राजगुरुनगरजवळील राक्षेवाडीच्या मतदार यादीत जे राजगुरुनगर नगरपरिषदेला मतदान करतात त्यांची नावे आली आहेत. याबाबत निवडणूक आयोगाने, तसेच जिल्हाधिकाऱ्यांनी तातडीने लक्ष द्यावे.