सोलापुरी चमेली बोरांची चाकणला गोडी
चाकण, ता. ४ : येथील महात्मा फुले बाजार आवारात सोलापूरची चमेली बोरे विक्रीसाठी येऊ लागली आहेत. बोरांचा नव्याने हंगाम सुरू झाला आहे. चाकण बाजारात सुमारे पाच ते दहा टन बोरे विक्रीसाठी आली आहेत. या सोलापूरच्या चमेलीबोरांना घाऊक बाजारात २५ ते ३०रुपये प्रति किलोला बाजारभाव मिळत आहे.ही बोरे चाकणकरांच्या पसंतीस उतरत आहेत.
सध्या बोरांचा हंगाम सुरू झाला असून सोलापूरमधून चमेली आणि इतर जातींच्या बोरांची बाजारात आवक वाढत आहे. काही वेळा चमेली बोरांना चांगला दरही मिळतो. सोलापूर जिल्ह्यात टेंभुर्णी, मंगळवेढा, माढा, बार्शी,पंढरपूर येथून चमेली बोरांची आवक सध्या सुरू झाली आहे. बोरांचा हंगाम सुरू झाल्यामुळे राज्यातील बाजारात आवक वाढत आहे. पावसाळ्यामुळे ही बोरे सध्या आंबट लागत आहे. ऊन पडल्यानंतर या बोरांना गोडी भरेल, असे शेतकऱ्यांनी सांगितले. बोरांच्या मागणीनुसार भावात चढ-उतार होतो. काही ठिकाणी चांगला भाव मिळत आहे, असे व्यापारी रवींद्र बोराटे, ज्ञानेश्वर बनकर, बाळासाहेब सातपुते यांनी सांगितले.
चाकण बाजारात मोठ्या प्रमाणात सोलापूरच्या चमेली बोरांना मागणी आहे.सध्या ढगाळ वातावरण व पाऊस असल्यामुळे या बोरांची चव आंबट गोड अशी आहे. ऊन पडल्यानंतर या बोरांना गोडपणा येईल. त्यानंतर मागणी अधिक वाढेल व बाजारभावही वाढतील.
- रवींद्र बोराटे, विक्रेते
09659
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.