नाणेकरवाडीत कोयता दाखवून माजवली दहशत

चाकण, ता.२८: नाणेकरवाडी (ता. खेड) येथील जंबुकर वस्ती येथे एकाला शिवीगाळ,दमदाटी मारहाण करून कोयता दाखवून दहशत केल्याप्रकरणी दोन अल्पवयीन तरुणासह दोघांना अटक केली आहे, अशी माहिती चाकण दक्षिण पोलिस ठाण्याचे वरिष्ठ पोलिस निरीक्षक संजय सोळंके, सहाय्यक निरीक्षक राहुल पाटील यांनी दिली. हा प्रकार शनिवारी (ता. २८) दुपारी घडला. आरोपी अक्षय ऊर्फ तुषार नामदेव शिंदे (वय २६, रा.नाणेकरवाडी ता. खेड, मूळ रा. निथुरडे ता. माजलगाव जि. बीड), नीलेश राजू गवारी (वय २०, रा. नाणेकरवाडी, ता. खेड, मूळ रा. खरपूड, ता. खेड) या दोघांनी व त्यांचे इतर दोन अल्पवयीन साथीदार यांनी पंकज माणिक धाडगे (रा. धाडगे आळी खराबवाडी, चाकण) यांना विनाकारण मारहाण करून कोयता घेऊन दहशत माजवली तसेच शिवीगाळ, दमदाटी केली, असे फिर्यादीत नमूद केले आहे.