भोगीच्या भाजीमुळे फळभाज्या महागल्या
चाकण, ता.१०: चाकण येथील बाजारात मकर संक्रांतीच्या पार्श्वभूमीवर फळभाज्यांच्या किमतीत महागल्या आहेत. भोगीच्या दिवशी पारंपरिक ‘भोगीची भाजी’ केली जाते. त्यामुळे भोगीसाठी लागणाऱ्या फळभाज्यांच्या मागणीत मोठी वाढ झाली आहे. भोगीच्या सणामुळे भाज्यांच्या किमती २० ते ४० टक्क्यांनी वधारल्या आहेत.
संक्रातीच्या आदल्या दिवशी येत्या मंगळवारी (ता. १३) भोगीचा सण आहे. या सणाला पारंपरिक भोगीची भाजी बनविली जाते. यामध्ये वांगी, घेवडा, वाल, गाजर, शेंगदाणे, वाटाणे, दोडका, कारले, मटकी, चवळी याचा प्रामुख्याने वापर केला जातो. ज्वारी, बाजरीच्या भाकरीला पांढरे तीळ लावले जातात व ती भाकरी केली जाते. त्यामुळे पांढऱ्या तिळांनाही मोठी मागणी असते.
मकरसंक्रांत हा सण हिवाळ्यात येत असल्यामुळे त्या काळात मिळणाऱ्या ताज्या भाज्यांचा संक्रातीच्या सणाला वाणात समावेश केला जातो. ओला हरभरा, गाजर, वांगी, भेंडी, वाटाणा, बोरे, गव्हाच्या ओंब्या, उसाचे तुकडेही वाणात ठेवले जातात. वाण देताना ‘तिळगुळ घ्या, गोड गोड बोला’ असे म्हटले जाते.
फळभाज्या खरेदी करण्यासाठी ग्राहकांची, महिलांची मोठी गर्दी महात्मा फुले बाजारात आहे. त्यामुळे फळभाज्यांचे भावही वाढले आहेत, असे व्यापारी रवींद्र बोराटे, बाजार समितीचे संचालक महेंद्र गोरे यांनी सांगितले.
09990
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.