चाकणला ५० टन गाजरांची आवक

चाकण, ता. ११ : येथील खेड कृषी उत्पन्न बाजार समितीच्या महात्मा फुले बाजार आवारात रविवारी (ता. ११) राजस्थानातून गाजराची सुमारे ५० टन आवक झाली. गाजराला घाऊक बाजारात प्रति किलोला २० रुपये भाव मिळाला. तसेच, मध्यप्रदेशातून हिरव्या वाटाण्याची सुमारे ४० टन आवक झाली. हिरव्या वाटाण्याला घाऊक बाजारात प्रति किलोला २० ते २५ रुपये भाव मिळाला.
तसेच रविवारी बाजारात गुजरात, तसेच नागपुरातून हिरव्या काळ्या व पिवळ्या मिरचीची मिळून सुमारे ३० टन आवक झाली. हिरव्या मिरचीला घाऊक बाजारात प्रति किलोला ६० रुपये भाव मिळाला. आग्रा व गुजरात राज्यातूनही बटाट्याची आवक झाली. मध्यप्रदेशातील इंदोर बटाट्याला प्रति किलोला २० रुपये भाव मिळाला. कांद्याची सुमारे आठ हजार क्विंटल आवक झाली. कांद्याला प्रति किलोला १० ते २० रुपये भाव मिळाला. गवार, हिरवा वाटाणा, राजमा वालाच्या शेंगा, वालवर, वांगी, भेंडी यांचे भाव किरकोळ वाढले आहेत. शेवग्याच्या शेंगांना दीड १५० रुपये ते २०० रुपये प्रति किलोला भाव मिळाला. तसेच, नाशिक, सातारा, अहिल्यानगर जिल्ह्यातून टोमॅटोची सुमारे २० टन आवक झाला. टोमॅटोला रुपये प्रति किलोला ३० रुपये बाजारभाव मिळाला.
कोथिंबीर, मेथी, शेपू, पालकाच्या सुमारे दीड लाख वर जुड्यांची आवक झाली. मेथीच्या एका जुडीला ५ ते १० रुपये भाव मिळाला. कोथिंबिरीच्या एका जुडीला १० रुपये भाव मिळाला. शेपूच्या एका जुडीला १२ रुपये भाव मिळाला. पालकच्या एका जुडीला ५ ते १० रुपये भाव मिळाला.

फळभाज्यांचे भाव पुढीलप्रमाणे (प्रति किलोचे भाव रुपयांमध्ये)
टोमॅटो (३०), कारली (३५ ते ५०), दोडका (३० ते ४५), भेंडी (६०), गवार (१००), कोबी (१० रुपये), फ्लॉवर (२०), वांगी (३० ते ४०), हिरवी मिरची (५० ते ६०), दुधी भोपळा (२५), शेवगा (१५० ते २००), ढोबळी मिरची (६०), चवळी (३०), हिरवा वाटाणा (२५), काकडी (२५), गाजर (२०), आले (आद्रक) (३० ते ४०), वालवर (५० रुपये).

09992