आखरवाडीत कृषिदूतांना औषध फवारणीची धडे

चास, ता.८ : आखरवाडी (ता. खेड) येथील प्रगतशील शेतकरी विठ्ठल मुळूक यांच्या शेतामध्ये जाऊन कृषिदूतांनी औषध फवारणीचे धडे गिरविले. तसेच प्रत्यक्ष कृती करत पिकांवर औषध फवारणी करून फवारणीचे तंत्रज्ञान समजून घेतले.
आखरवडी येथील शिवारात महात्मा फुले कृषी विद्यापीठ, राहुरी अंतर्गत आकुर्डी येथील डॉ. डी. वाय. पाटील कृषी व्यवसाय व्यवस्थापन महाविद्यालयात चतुर्थ वर्षात शिकणारे अक्षय औसरे, हर्षद चव्हाण, सुमीत खांडेकर, प्रतीक ढवण हे प्रशिक्षण घेऊन मार्गदर्शन करत आहेत. या कृषिदूतांनी आपल्याकडील माहिती शेतकऱ्यांना सांगत शेतकरी विठ्ठल मुळूक यांच्याकडून औषध फवारणीचे धडे घेतले. या उपक्रमासाठी डॉ. डी. वाय. पाटील कृषी व्यवसाय व्यवस्थापन महाविद्यालयाचे प्राचार्य डॉ. एम. डी. जगताप, प्राध्यापक डॉ. एस. एन. पाटील, प्राध्यापक एम. डी नीचित यांचे मार्गदर्शन लाभते आहे.

02362