चास कमान परिसरात लसीकरणाचे आवाहन

चास : जनावरांना पावसाळ्यात होणाऱ्या आजारांना प्रतिबंध करण्यासाठी चास, कमान व परिसरात मॉन्सूनपूर्व लंपी लसीकरण राबविण्यात आले. ज्या गवळी बांधवांच्या पशुधनाचे लसीकरण राहिले असेल त्यांनी लसीकरण करून घ्यावे, असे आवाहन डॉ. मंगेश कुंभार यांनी केले आहे.
पावसाळ्यात पाळीव जनावरांना होणारे साथीचे आजार होऊ नये म्हणून चास, कमान, ठाकरवाडी, बारापाटी या ठिकाणी राज्यस्तरीय पशुवैद्यकीय दवाखाना श्रेणी -२ चास यांच्या मार्फत मॉन्सूनपूर्व लंपी लसीकरण राबविण्यात आले. पशुवैद्यकीय अधिकारी डॉ.मंगेश कुंभार यांच्या मार्गदर्शनाखाली किसन वडेकर, सागर वडेकर यांनी शेतकऱ्यांच्या घरोघरी गोठ्यात जाऊन लसीकरण पार पाडले. गेली काही दिवसांत ५०० जनावरांना प्रत्येक शेतकऱ्याच्या गोठ्यावर जाऊन लसीकरण करताना प्रत्येक जनावरांसाठी नवीन सुई व नवीन इंजेक्शन वापरण्यात आले. या कार्यक्रमात कमान विवीध कार्यकारी सोसायटीचे अध्यक्ष मारुती नाईकरे यांचे मोलाचे योगदान दिले.