मोहकलला शेतकऱ्यांना औषधांचे वाटप

चास, ता. २ : ‘‘पावसाळ्यात पाळीव जनावरांना होणारे आजार व त्यावर कोणते औषधोपचार करणे गरजेचे आहे. याची माहिती घेऊन शेतकऱ्यांनी जागरूकता दाखविल्यास जनावरांमध्ये पावसाळ्यात होणाऱ्या आजाराचे प्रमाण कमी होईल व दूध उत्पादन वाढेल,’’ असे स्पष्ट मत डॉ. हनुमंत मार्कड यांनी व्यक्त केले.
मोहकल (ता. खेड) येथे सर नेस वाडिया फाउंडेशन व ब्रिटानिया उद्योग समूह यांच्या माध्यमातून आशीर्वाद दूध संकलन केंद्र मोहकलचे मारुती नाईकरे त्यांच्या प्रयत्नातून मोहकल येथे पशुवैद्यकीय शिबिराचे आयोजन केले होते. प्रत्येक जनावरांचा आजार समजून घेऊन त्या जनावरांस सरनेस वाडिया फाउंडेशन व डॉक्टर हनुमंत मार्कड यांच्या मार्गदर्शनानुसार मोफत औषधांचे वाटप करण्यात आले तसेच ज्या जनावरास योग्य उपचाराची गरज होती अशा जनावरांस शेतकऱ्याचे गोठ्यावर जाऊन उपचार करण्यात आले. या कार्यक्रमास शेतकरी बांधवांनी उत्स्फूर्तपणे सहभाग घेतला तसेच सरनेस वाडिया फाउंडेशनचे प्रणव जगताप, अक्षय यांचे योगदान लाभले.

03447