जवाहर विद्यालयात नवगतांना पुस्तके वाटप

चास : चास येथील रयत शिक्षण संस्थेच्या जवाहर विद्यालयात शाळेच्या पहिल्या दिवशी पाचवी ते दहावी अखेर नवीन प्रवेश घेतलेल्या विद्यार्थ्यांचे गुलाबपुष्प व सर्व शिक्षा अभियानांतर्गत पाठ्यपुस्तके देऊन सर्व मान्यवरांच्या हस्ते स्वागत करण्यात आले. यावेळी स्कूल कमिटीचे ज्येष्ठ सदस्य विठ्ठलराव मुळूक, स्कूल कमिटी सदस्य राजेंद्र गायकवाड, शाळा व्यवस्थापन समितीच्या अध्यक्षा व आखरवाडीच्या सरपंच नीलम मुळूक, पालक प्रतिनिधी संजय वाळुंज, प्रीती नाईकडे, रेश्मा नाईकडे, सुवर्णा मंडलिक, मुख्याध्यापक यादव चासकर, पर्यवेक्षक किशोर जगताप, यु. एस. मावची, सुनीता घेवडे, माणिक सावंत यांच्या हस्ते व सर्व शिक्षकांच्या उपस्थितीत नवागत विद्यार्थ्यांचे स्वागत केले. कीर्ती गंभीर यांनी सूत्रसंचालन केले. विलास लोखंडे यांनी आभार मानले.