कातकरी समाजातील तरुणांकडून शेतीची कास

कातकरी समाजातील तरुणांकडून शेतीची कास

Published on

चास, ता.७ : मासेमारी, खेकडे पकडून आपला प्रपंच चालवणे व त्याचबरोबर व्यसनामध्ये अडकलेला कातकरी समाज आता शेतीकडे आकर्षित होत आहे. प्रचंड कष्ट करण्याची जिद्द असलेला कातकरी समाज पारंपरिक व्यवसायातून बाहेर पडत आहे. खेड तालुक्याच्या पश्चिम पट्यातील धुओली (ता. खेड) येथील कातकरी समाजातील तरुणांनी भात शेतीची कास धरली आहे.
निसर्गाच्या दुष्ट चक्रामुळे दिवसेंदिवस शेती करणे जिकिरीचे झाले असून मोठ मोठे शेतकरी शेतीपासून परावृत्त होताना दिसत आहेत. मात्र, याच्या उलट चित्र असे आहे की खेड तालुक्याच्या पश्चिम पट्यात ज्यांना शेतीच नाही ते शेती करण्यासाठी पुढे येत आहेत. याचे उत्तम उदाहरण धुओली येथे दिसून येत आहे. धुओली येथील कातकरी समाजातील सोमनाथ काळू मुकणे यांना शेती करण्यासाठी शेतीच नाही. मात्र, त्यांनी गाव व परिसरातील शेती खंडाने (अर्धेलीने- वर्षाची काही ठरावीक रक्कम देवून वा उत्पन्नातील हिस्सा देणे) घेऊन भातशेती सुरू केली आहे. सद्य स्थितीत त्यांनी या शेतामध्ये इंद्रायणी भाताच्या वाणाची लागवड केली आहे. या पिकापासून चांगले उत्पन्न मिळण्याची त्यांना आशा आहे.

पारंपरिक व्यवसायातून रोजचा खर्च भागत असे. मात्र उद्याची चिंता होतीच. शिवाय रोजच मासे मिळतील, अशी शक्यता कमीच. खेकडे पकडण्यासाठी रात्री अपरात्री नदीपात्रात, ओढ्याच्या पात्रात फिरताना सापांची तसेच अन्य प्राण्याबरोबरच बिबट्याचे वाढलेले हल्ले यामुळे जिवाची भीती लागून राहते. शेतीमुळे हा प्रश्‍न आता पडणार नाही.
- सोमनाथ मुकणे,

वर्षभराची धान्याची तरतूद
आमच्यामध्ये कष्ट करण्याची व संघर्ष करण्याची प्रवृत्ती जन्मजातच असल्याने शेतीमध्ये कष्ट करून वर्षभराची धान्याची तरतूद तसेच यातून मिळणाऱ्या उत्पन्नाच्या विक्रीतून आमचा प्रपंच चांगला चालत असल्याने आमच्यातील अनेक नागरिक आता शेती करण्यासाठी पुढे येत असून परिसरातील शेतकरीही आम्हाला कसण्यासाठी शेती देत असून आम्ही कष्टातून शेतीमधून सोने पिकवण्याचा प्रयत्न करत आहोत, असे कातकरी तरुणांनी सांगितले.
03698

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com