जवाहर विद्यालयात १६ हजारांची उलाढाल

चास, ता. १६ : चास (ता. खेड ) येथील रयत शिक्षण संस्थेच्या जवाहर विद्यालयात विद्यार्थ्यांच्या वतीने खाऊगल्ली कार्यक्रमाचे आयोजन करण्यात आले होते. यामध्ये तब्बल १६ हजार ६५६ रुपयांची उलाढाल झाली.
कार्यक्रमांतर्गत विद्यार्थ्यांना शालेय शिक्षणाबरोबरच व्यावहारिक ज्ञान मिळावे, यासाठी मुख्याध्यापक किशोर जगताप यांच्या संकल्पनेतून या खाऊगल्लीचे आयोजन करण्यात आले होतो. या मेळाव्याचे उद्‍घाटन आखरवाडीच्या सरपंच निलम मुळूक, सविता टोके, पुनम रासकर, वैशाली मुळूक, सविता राहणे आदींनी केले. खाऊगल्लीमध्ये पावभाजी, मंचुरियन, चॉकलेट, गोळ्या, वडापाव, भजीपाव, गुलाबजाम, कच्छी दाबेली, इडली, लिंबू सरबत, ओली भेळ, पाणीपुरी, समोसा, मोमोज, डोसा, व्हेज बिर्याणी, ओली भेळ, पेरू, खीर, फ्रेंच फ्राईज यांसह इतर पदार्थ विद्यार्थ्यांनी तयार करून त्यांची विक्री केली.
खाऊगल्लीत ३२ स्टॉल लागलेले होते. खाऊगल्लीचे नियोजन स्काऊट गाइडच्या प्रमुख कविता जोशी, महेंद्र जोशी, कीर्ती गंभीर, अर्चना कोकाटे, सुनीता घेवडे, स्वाती टाकळकर, दिलीप बेंडुरे, दिनेश लाडके, कपिल तिरपुडे यांनी केले होते. या मेळाव्याला शिक्षकांसह ज्योती मुळूक, कांचन मुळूक, सुप्रिया रोकडे या पालकांनीही स्टॉलला भेट देवून विविध वस्तुंची खरेदी केली.