चास विद्यालयात ग्रंथ, कला प्रदर्शन

चास, ता. १८ : विद्यार्थ्यांमध्ये वाचन संस्कृती वाढावी, तसेच टाकाऊपासून टिकाऊ वस्तुंची निर्मिती कशी करावी, यासाठी विद्यार्थ्यांमध्ये असलेल्या कला गुणांना वाव देण्याच्या उद्देशाने चास (ता. खेड) येथील रयत शिक्षण संस्थेच्या जवाहर विद्यालयात ग्रंथ प्रदर्शन व कलाप्रदर्शन आयोजीत केले होते.
ग्रंथ प्रदर्शनाचे उद्‍घाटन चासचे उपसरपंच सुनील वाळुंज व गुरुकुल समन्वयक बी. एस. पुजारी यांच्या हस्ते, तर कला प्रदर्शनाचे उद्‍घाटन शाळा व्यवस्थापन समितीच्या उपाध्यक्षा कविता रत्नपारखी यांच्या हस्ते झाले. या ग्रंथ प्रदर्शनात ६५३४ पुस्तके मांडण्यात आली होती. या कार्यक्रमाचे नियोजन विद्यालयाच्या ग्रंथपालप्रमुख माणिक सावंत यांनी केले. कलाप्रदर्शनात टाकाऊपासून टिकाऊ वस्तूंची निर्मितीमध्ये विद्यार्थ्यांनी बनवलेल्या तबला, विविध भेट कार्ड, भिंतीवरची चित्रे, मेनुकार्ड, विवीध पोषाख यांची मांडणी केली होती. या कार्यक्रमासाठी मुख्याध्यापक किशोर जगताप, सुनिता घेवडे, गुरुकुल प्रमुख महेश सुरवसे, महेंद्र जोशी, कृष्णा राठोड, आशा राऊत उपस्थित होते. कीर्ती गंभीर यांनी सूत्रसंचालन केले. प्रतिमा कडलक यांनी आभार मानले.