क्रांतिवीर मंडळाकडून ३५० रोपांचे वाटप

खोडद, ता. ७ : भोरवाडी, वडगाव- कांदळी (ता. जुन्नर) येथील क्रांतिवीर मित्र मंडळाकडून गणेशोत्सवात ३५० देशी रोपांचे वाटप केल्याची माहिती सामाजिक कार्यकर्ते सागर दहितुले यांनी दिली.
नारायणगाव पोलिस ठाण्याचे सहाय्यक पोलिस निरीक्षक महादेव शेलार यांनी पर्यावरणपूरक गणेशोत्सव साजरा करण्याचे आवाहन केले होते. या आवाहनाला सकारात्मक प्रतिसाद देत क्रांतिवीर मंडळाने ‘एक पेड माँ के नाम’ या उपक्रमांतर्गत स्व. शैला श्यामराव दहितुले यांच्या स्मरणार्थ वृक्षारोपण कार्यक्रम आयोजित केला होता.
यावेळी कृषी उत्पन्न बाजार समितीचे संचालक माऊली खंडागळे, सहाय्यक पोलिस निरीक्षक महादेव शेलार, जुन्नर पोलिस ठाण्याचे पोलिस उपनिरीक्षक रघुनाथ शिंदे, वनरक्षक मेजर रमेश खरमाळे, उद्योजक वैभव काळे, सचिन निलख, देविदास भोर, शोभा पाचपुते, माऊली निलख तसेच क्रांतिवीर महिला ग्रुपच्या सर्व सदस्या उपस्थित होते.
क्रांतिवीर मंडळाचे अध्यक्ष महेश भोर, उपाध्यक्ष कृष्णा भोर यांनी मान्यवरांचा सन्मान केला. कार्यक्रम यशस्वी करण्यासाठी मनोहर पटाडे व क्रांतिवीर मित्र मंडळाच्या सर्व कार्यकर्त्यांनी परिश्रम घेतले. देविदास भोर यांनी सूत्रसंचालन केले, तर गणेश शिंदे यांनी आभार मानले.