निमगाव सावात बिबट्याचे दर्शन

निमगाव सावात बिबट्याचे दर्शन

Published on

खोडद, ता.६ : जुन्नर तालुक्यातील निमगाव सावा येथील (घोडेमळा) परिसरात रविवारी (ता. ५) रात्री आठच्या सुमारास बिबट्याचे दर्शन झाले. यामुळे शेतकरी तसेच नागरिकांत भीतीचे वातावरण पसरले आहे.
जुन्नर तालुक्यात बिबट्या म्हणजे नित्याचाच एक भाग झाला आहे. बिबट्यांकडून शेळ्या मेंढ्यांवर हल्ले होत असतानाच आता मानवी जीवन देखील असुरक्षित वाटू लागले आहे.
येथील शेतकरी सुभाष पोखरणा हे रात्री आठच्या सुमारास घरी जात होते. याच वेळी शेतात निवांत झोपलेला बिबट्या त्यांना दिसला. गाडीच्या उजेडामुळे हा बिबट्या उठला आणि रस्ता ओलांडून निघून गेला. वनविभगाने या परिसरात पिंजरे लावून बिबट्यांचा बंदोबस्त करावा अशी मागणी शेतकरी करत आहेत.
यापूर्वीही या भागात बिबट्याचे अनेक वेळा दर्शन झाले असून बिबट्याच्या हल्ल्यात पशुधनाचे नुकसान झाल्याच्या घटना घडल्या आहेत.
दरम्यान, नागरिक रात्रंदिवस बिबट्याच्या भीतीखाली वावरत आहेत. शेतीची कामे करताना जीव मुठीत धरून कामे करावी लागत आहेत. वनविभागाने या परिसरात पिंजरे लावून बिबट्यांचा बंदोबस्त करण्याची मागणी निमगाव सावा मधील नागरिक करत आहेत.
01638

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com