बिबट्यासाठी लावलेल्या पिंजऱ्यामध्ये हिवरेतर्फे नारायणगावात अडकला तरस
खोडद, ता.७ : बिबट्याला पकडण्यासाठी वनविभागाने लावलेल्या पिंजऱ्यात तरस अडकल्याची घटना हिवरे तर्फे नारायणगाव (ता.जुन्नर) येथे सोमवारी (ता. ६) सायंकाळी घडली.
याबाबत माहिती अशी की, हिवरेतर्फे नारायणगाव येथील भोरमळ्यात बिबट्याचा वावर मोठ्या प्रमाणात असल्याने मागील काही दिवसांपासून भोरमळ्यात वनविभागाने बिबट्याला पकडण्यासाठी पिंजरा लावला आहे. दरम्यान, रविवारी (ता. ५) सायंकाळी भोरमळा येथील महिला मनिषा नंदाराम भोर यांनी त्यांच्या घरासमोर अचानक आलेला बिबट्या पाहिला. यामुळे या परिसरात भीतीचे वातावरण निर्माण झाले आहे. या घटनेनंतर वनविभागाने या ठिकाणी बिबट्याला पकडण्यासाठी पिंजरा लावला होता, मात्र सोमवारी सायंकाळी या पिंजऱ्यात बिबट्याच्या ऐवजी चक्क तरस अडकल्याने आश्चर्य व्यक्त केले जात आहे. तो दोन वर्षे वयाचा असून, वनरक्षक विशाल गुंड, रेस्क्यू टीमचे सदस्य ऋषी गायकवाड, फिरोज पठाण, शुभम भोर यांनी या तरसाला ताब्यात घेऊन नैसर्गिक अधिवासात मुक्त केले.
01652
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.