दौंडमध्ये साडेतीनशे किलो गोमांस जप्त

दौंडमध्ये साडेतीनशे किलो गोमांस जप्त

दौंड, ता. २ : दौंड शहरातून साडेतीनशे किलो गोमांसची वाहतूक केल्याप्रकरणी एका तरुणाविरुद्ध गुन्हा दाखल केला आहे. पोलिसांनी या प्रकरणी एक जीप जप्त केली आहे.
दौंड शहरातील नगर मोरी चौकात १ जुलै रोजी हा प्रकार उघडकीस आला. पोलिसांना एका वाहनातून संशयास्पद मालाची वाहतूक केली जात असल्याची माहिती मिळाली होती. त्यानुसार ते वाहनांची तपासणी करीत होते. नगर मोरी चौकात सकाळी साडेअकरा वाजता पोलिसांनी एक महिंद्रा कंपनीची बोलेरो जीप (क्र. एम.एच. २३ वाय. १८३७) थांबवून आत पाहणी केली असता त्यांना आतील पाच पोत्यांमध्ये ३५० किलो गोमांस आढळून आले. दौंड पोलिस ठाण्यात या प्रकरणी पोलिस अंमलदार निखिल जाधव यांनी फिर्याद दिली. त्यानुसार मोहसीन नजीर पठाण (वय ४०, रा. खडकत, ता. आष्टी, जि. बीड) याच्याविरुद्ध गुन्हा दाखल केला आहे. पोलिसांनी बोलेरो जीपसह एकूण २ लाख ८५ हजार रुपयांचा मुद्देमाल जप्त केला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com