दौंडमध्ये जुगारप्रकरणी चौघांवर गुन्हा दाखल

दौंड, ता. ४ : दौंड रेल्वे वसाहतीमधील एका बंद घरामागे पत्त्यांचा जुगार खेळणाऱ्या चौघांविरुद्ध गुन्हा दाखल केला आहे.
दौंड पोलिसांच्या एका पथकाने शहरातील कुरकुंभ मोरीजवळ घंटे चाळ येथील जुगार अड्ड्यावर २ मार्च रोजी ही कारवाई केली. जुगार खेळणारे अक्षय मनोहर गायकवाड (वय ३१, रा. जगदाळे वस्ती, लिंगाळी), जितेंद्र ज्ञानोबा साळुंखे (वय ५५, रा. स्वामी समर्थ मंदिराजवळ, दौंड), गणपत सुवालाल ठाकूर (वय ६५, रा. पासलकर वस्ती, लिंगाळी) व राजू ज्ञानदेव ओहळ (वय ५२, रा. घंटे चाळ, दौंड) यांच्याविरुद्ध गुन्हा दाखल केला आहे. त्यांच्याकडून रोख बाराशे रुपये व जुगाराचे साहित्य जप्त केले. अंमलदार संजय कोठावळे यांनी या प्रकरणी फिर्याद दाखल केली आहे.