दौंड तालुक्यामधील बाजारात ज्वारीची ९६ क्विंटल आवक ज्वारीची ९६ क्विंटल आवक

दौंड, ता. १५ : दौंड तालुक्यात ज्वारीची आवक वाढली असून बाजारभावात प्रतवारीनुसार प्रतिक्विंटल साडेचारशे रुपयांची वाढ झाली आहे. ज्वारीची ९६ क्विंटल आवक असून त्यास प्रतवारीनुसार किमान २००० तर कमाल ३८०० प्रतिक्विंटल असा बाजारभाव मिळाला.
दौंड तालुका कृषी उत्पन्न बाजार समितीच्या दौंड मुख्य बाजारात भुसार मालाची आवक व बाजारभाव स्थिर आहे. तर केडगाव, पाटस व यवत येथील उपबाजारांमध्ये भुसार मालाची आवक वाढली असून बाजारभाव स्थिर आहे. दौंड मुख्य बाजारात पालेभाजांची आवक वाढली असून बाजारभावात घट झाली आहे.

दौंड मुख्य बाजारात कोथिंबिरीची १९०८० जुडी आवक होऊन त्यास शेकडा कमाल ४०० रुपये जुडी, असा बाजारभाव मिळाला. मेथीची ८२१० जुडी आवक होऊन त्यास शेकडा किमान ०२०० रुपये , तर कमाल १४०० रुपये जुडी, असा बाजारभाव मिळाला. शेपूची ६११० जुडी आवक होऊन त्यास शेकडा किमान ३०० तर कमाल १२०० रुपये, असा बाजारभाव मिळाला.
दौंड मुख्य बाजारात भाजीपाला व फळांना मिळालेला बाजारभाव पुढीलप्रमाणे (प्रतिदहा किलोसाठीचे कमाल दर) : बटाटा-२००, आले-३००, गाजर-३००, पेरू-३००, काकडी-२५०, कोबी-२५०, फ्लॅावर-५५०, टोमॅटो-२२०, हिरवी मिरची-७५०, भेंडी-६१०, वाटाणा- ११००, डाळिंब - ६००, मका कणीस-३००, लिंबू-३००.

दौंड मुख्य बाजारात भाजीपाल्याची आवक वाढली असून बाजारभावात घट झाली आहे. भोपळ्याची ३५ क्विंटल आवक होऊन त्यास प्रतिदहा किलोसाठी किमान १०० तर कमाल ३०० रुपये असा बाजारभाव मिळाला. हिरव्या मिरचीची ६१ क्विंटल आवक होऊन त्यास प्रतिदहा किलोसाठी किमान ३०० तर कमाल ७५० रुपये असा बाजारभाव मिळाला.
केडगाव येथे कांद्याची आवक वाढली असून एकूण ७५६६ क्विंटल आवक होऊन त्यास प्रतवारीनुसार किमान १५० तर कमाल १९०० प्रतिक्विंटल असा बाजारभाव मिळाला.