दौड शहरातील तरुणाला अत्याचार प्रकरणी अटक

दौंड, ता. ५ : दौंड शहरातील एका युवतीवर अत्याचार करणाऱ्या विवाहित तरुणाला अटक करण्यात आली आहे. अत्याचाराचे छायाचित्रे सार्वजनिक करण्याची धमकी देत वारंवार अत्याचार करण्यात आला.
याबाबत दौंड पोलिसांनी माहिती दिली की, जमीर शमसुद्दीन खान (वय २७, रा. पानसरे वस्ती, दौंड) असे संशयित आरोपीचे नाव आहे. कुरकुंभ एमआयडीसी येथे एका खासगी कंपनीत नोकरीस आहे. परधर्मातील पीडित तरुणीसमवेत जानेवारी २०२५मध्ये ओळख झाल्यानंतर त्याने तिच्यावर अत्याचार केले. दरम्यान ३१ जुलै २०२५ रोजी आळंदी येथे त्याने बळजबरीने पिडीतेशी विवाह केला, असे फिर्यादीत नमूद केले आहे.
या प्रकरणी दौंड पोलिस ठाण्यात ४ ऑगस्ट रोजी पीडितेने दिलेल्या फिर्यादीनुसार जमीर खान याच्याविरुद्ध अत्याचार प्रकरणी गुन्हा दाखल केला आहे. त्यास अटक करून न्यायालयात हजर केले. न्यायालयाने त्याला पाच दिवस पोलिस कोठडीत ठेवण्याचे आदेश दिले आहेत. या प्रकरणी पुढील तपास उपनिरीक्षक रूपेश कदम करीत आहेत.