बार असोसिएशनच्या अध्यक्षपदी फुलारी

दौंड, ता. ६ : दौंड तालुका ॲडव्होकेट बार असोसिएशनच्या अध्यक्षपदाच्या निवडणुकीत ॲड. पोपट जगन्नाथ फुलारी २५ मतांच्या फरकाने विजयी झाले, तर उपाध्यक्षपदी ॲड. अजहरुद्दीन बाबा मुलाणी यांची बिनविरोध निवड झाली.
या निवडणुकीत २७७ पैकी २४१ सदस्यांनी मतदानाचा हक्क बजावला. अध्यक्षपदाचे उमेदवार पोपट फुलारी १०६ मते घेऊन विजयी झाले, तर पराभूत उमेदवार अमोल काळे यांना ८१, संतोष चव्हाण यांना ४३ व अनिल फडके यांना आठ मते मिळाली. निवडणूक निर्णय अधिकारी म्हणून ॲड. अजित दोरगे यांनी काम पाहिले. सन २०२५-२६ या कालावधीसाठी असोसिएशनची कार्यकारिणी पुढीलप्रमाणे : सचिव- सागर हनुमंत शेळके, सहसचिव- गणेश अभिमन्यू कांबळे, खजिनदार-ज्योती प्रकाश नाईक, हिशोबनीस- सचिन महादेव शिंदे, ग्रंथपाल- विजय रामचंद्र काकडे, सदस्य- सारिका बापूराव अहिवळे, ओंकार राजेंद्र बारोडे, उषा नंदू मगर, अविनाश सुदाम पिंगळे.