अजित पवार यांची दौंड आज जाहीर सभा

दौंड, ता. १६ : उपमुख्यमंत्री तथा अर्थमंत्री अजित पवार यांची उद्या (ता. १७) दौंड शहरात सभा होणार आहे. भारतीय जनता पक्षाचे प्रमुख पदाधिकारी या वेळी राष्ट्रवादी काँग्रेस पक्षात प्रवेश करणार आहेत.
दौंड शहरातील छत्रपती शिवाजी महाराज चौकात दुपारी चार वाजता ही सभा होणार आहे. भारतीय जनता पक्षाचे माजी शहराध्यक्ष तथा उद्योजक स्वप्नील शहा हे समर्थकांसह राष्ट्रवादी काँग्रेस पक्षात प्रवेश करणार आहेत. आगामी जिल्हा परिषद, पंचायत समिती आणि दौंड नगरपालिका निवडणुकीच्या पार्श्वभूमीवर अजित पवार यांच्या उपस्थितीत होणारा पक्षप्रवेश आणि त्यानंतरच्या जाहीर सभेविषयी औत्सुक्य निर्माण झाले आहे.