देऊळगाव राजे येथे उद्या कबड्डी स्पर्धेचे आयोजन

देऊळगाव राजे, ता. २६ : देऊळगाव राजे (ता. दौंड) येथे जय हनुमान कबड्डी संघाच्या वतीने स्व. विष्णुपंत कड-देशमुख स्मृती चषकानिमित्त सोमवारी (ता. २८) कबड्डी स्पर्धेचे (६५ किलो वजनी गट) आयोजन केले आहे, अशी माहिती आयोजक तथा राष्ट्रवादीचे युवक कार्यकर्ते मिलिंद कड- देशमुख यांनी दिली.
स्पर्धा देऊळगाव राजे- बोरीबेल रस्त्यावरील काळेवाडी चौफुला येथील मैदानावर होणार आहे. प्रथम पारितोषिक ३१ हजार रुपयांचे आहे. अधिक माहितीसाठी संघानी मिलिंद कड- ७७६९०९२५९६, जयदीप गावडे- ९३५९७९६९६१, प्रदीप कदम- ९८५०५१३९३१ यांच्याशी संपर्क साधण्याचे आवाहन केले आहे.