दौंड भाजयुमोच्या अध्यक्षपदी गिरमकर

देऊळगाव राजे, ता. ९ : देऊळगाव राजे (ता. दौंड) येथील अभिमन्यू गिरमकर यांची दौंड तालुका भाजप युवा मोर्चाच्या अध्यक्षपदी निवड झाली. तालुक्याचे आमदार ॲड. राहुल कुल यांच्या हस्ते गिरमकर यांना नियुक्तीचे पत्र देण्यात आले. यावेळी भाजप महिला आघाडीच्या जिल्हाध्यक्षा कांचन कुल, माजी तालुकाध्यक्ष हरिश्चंद्र ठोंबरे आदी उपस्थित होते. गिरमकर हे शेतकरी असून त्यांनी भाजप किसान मोर्चाचे तालुकाध्यक्ष म्हणून काम केले आहे. तसेच, ते भाजपाचे जिल्हा कार्यकारणीचे सदस्यपदी आहेत. निवडीनंतर गिरमकर यांनी सांगितले की, आमदार कुल यांच्या मार्गदर्शनाखाली तालुक्यात भाजपचे संघटन वाढवण्यासाठी प्रयत्न करणार आहे.