घोडेगाव आयटीआयमध्ये प्रवेश प्रक्रिया सुरू

घोडेगाव, ता. १८ : घोडेगाव (ता. आंबेगाव) येथील क्रांतिवीर लायन हॉर्टेड होनाजी भागूजी केंगले शासकीय औद्योगिक प्रशिक्षण संस्था येथे २०२५ या वर्षा करिता प्रवेश प्रक्रिया सुरू झाली आहे. विद्यार्थ्यांनी दिलेल्या संकेतस्थळावर अर्ज करावा असे आवाहन करण्यात आले आहे.
प्रशिक्षणादरम्यान गरजू प्रशिक्षणार्थ्यांना प्रती माह ५०० रुपये विद्यावेतन देण्यात येते.
सध्या जागतिक स्तरावर कुशल मनुष्यबळाची गरज असल्यामुळे आयटीआय पास विद्यार्थ्यांना रोजगाराच्या खूप संधी उपलब्ध आहेत. जास्तीत जास्त उमेदवारांनी आयटीआय मध्ये प्रवेश घ्यावा असे आवाहन संस्थेचे प्राचार्य दत्तात्रेय जगताप यांनी केले आहे.

व्यवसायाचे नाव : प्रवेश क्षमता : शैक्षणिक पात्रता
- फॅशन डिझाईन अँड टेक्नॉलॉजी : २० : १० वी पास
- कॉम्प्युटर ऑपरेटर अँड प्रोग्रॅमिंग असिस्टंट : २४ : १० वी पास
- वेल्डर : २० : १० वी पास/नापास
- इलेक्ट्रिशियन : २० : १० वी पास
- इलेक्ट्रॉनिक्स मेकॅनिक : २४ : १० वी पास
- वायरमन : २० : १० वी पास/नापास
- रेफ्रिजरेशन अँड एअर कंडिशनिंग टेक्निशियन : २४ : १० वी पास
- फिटर : २० : १० वी पास

आयटीआय प्रवेशासाठी
https://admission.dvet.gov.in/ या संकेतस्थळावरून अर्ज करावा. अर्ज केल्यानंतर त्याची प्रिंट व त्यासंबंधी कागदपत्रांसह संस्थेत येऊन अर्जाची छाननी करून निश्‍चित करायचा आहे. प्रवेश कामकाजासाठी संस्था शनिवार-रविवार तसेच शासकीय सुट्ट्यांच्या दिवशी सुद्धा सुरू असेल. अधिक माहितीसाठी उमेदवारांनी संस्थेशी संपर्क साधावा. संपर्क - गणेश पापडे ७३५०५ ९०४१७