आंबेगावमधील ग्रामपंचायतींची उद्या दुपारी आरक्षण सोडत

घोडेगाव, ता. ९ ः आंबेगाव तालुक्यातील १०३ ग्रामपंचायतींपैकी ६७ ग्रामपंचायतींच्या सरपंच पदाच्या आरक्षणाची सोडत शुक्रवारी (ता. ११) दुपारी १२ वाजता आंबेगाव पंचायत कार्यालय, घोडेगाव येथे सोडत पद्धतीने काढण्यात येणार असल्याचे आंबेगाव तहसीलदार संजय नागटिळक यांनी सांगितले. सन २०२५ ते २०३० करिता पुणे जिल्ह्यातील बिगर अनुसूचित क्षेत्रामधील ग्रामपंचायतीतील सरपंचपदे अनुसूचित जाती, अनुसूचित जमाती, नागरिकांचा मागास प्रवर्ग व स्त्रियांसाठी आरक्षित करण्यासाठी आंबेगाव तालुक्यातील १३ जून २०२५ ते १२ जून २०३० या कालावधीतील बिगर अनुसूचित क्षेत्रातील ६७ ग्रामपंचायतींच्या सार्वत्रिक निवडणुकांच्या सरपंच पदाकरिता आरक्षण सोडत असल्याचे तहसीलदार नागटिळक यांनी सांगितले.