रजनीबेन शहा यांचे निधन

मंचर, ता.२६: येथील पराग मिल्क फुड्स गोवर्धन दूध प्रकल्पाच्या संस्थापक रजनीबेन प्रकाश शहा (वय ८७) यांचे शनिवारी (ता २६) संध्याकाळी निधन झाले. त्यांच्या मागे दोन मुलगे, मुलगी, सुना, नातवंडे व पतवंडे असा परिवार आहे.
पराग मिल्क फूड्सचे अध्यक्ष देवेंद्र शहा व कार्यकारी संचालक प्रीतम शहा हे त्यांचे चिरंजीव होत. रजनीबेन शहा फाउंडेशनच्या माध्यमातून कोरोना कालावधीत हजारो रुग्णांना औषधोपचार, मास्क व भोजनव्यवस्था करण्यात रजनीबेन यांचा पुढाकार होता. मंचरजवळ एकलहरे येथे पूना डिस्ट्रिक पांजरपोळ ट्रस्टनिर्मित नूतन श्री आदिनाथ त्रिभुवन तारक तीर्थ धाम मंदिर उभारण्यात त्यांचे योगदान होते.
मंचर येथे तपनेश्वर भूमीत रविवारी (ता.२७) दुपारी सव्वा बारा वाजता अंत्यविधी होणार असल्याचे शहा कुटुंबांनी सांगितले.

04098