निसर्गाच्या सानिध्यात वसलेले सालचे मंदिर

घोडेगाव, ता. १ : साल (ता. आंबेगाव) येथील ग्रामदैवत स्वयंभू सिद्धेश्‍वर मंदिर मंचरहून भीमाशंकर मंदिराकडे जाताना घोडेगाव पासून अवघ्या दोन किलोमीटर अंतरावर निसर्गाच्या सानिध्यात वसलेले आहे. मंदिरात श्रावण महिन्यात श्रीराम विजय ग्रंथाचे वाचन सुरू आहे. या काळात भाविकांची दर्शनासाठी रांग असते. मंदिराला नुकताच ‘क’ तीर्थक्षेत्राचा दर्जा मिळाल्याने विकासकामासाठी निधी प्राप्त होणार आहे. मंदिरात स्वयंभू शिवलिंग, भगवान शंकर बहिरोबा रूपाने देवी पार्वती, माता जोगेश्‍वरी आणि मुख्य सेनापती काळभैरव मूर्ती आहे. येथील स्वयंभू शिवलिंग नवसाला पावणारे, भक्तांचे मनोरथ पूर्ण करणारा असा नावलौकिक आहे. मंदिराच्या पश्‍चिमेला पांडवकालीन गड, नारायण लेणी त्यात पुरातन मूर्ती शिवलिंग लेणीच्या बाहेर न्हाणपोडी आहे.

मंदिराजवळ पर्यटन स्थळे -
- मंदिरापासून ६ किलोमीटरवर आयुकाची खगोल दुर्बीण गिरवलीजवळ आहे.
- नारोडी येथे संत ज्ञानेश्‍वर, संत मुक्ताबाई यांची मंदिरे घोडनदी तीरावर आहे.
- रांजण खळगे
- श्री क्षेत्र भीमाशंकर ५० किलोमीटर अंतरावर

सोई सुविधा -
- पार्किंगची सुविधा
- दर्शनासाठी स्वयंशिस्त रांग
- जवळच ग्रामीण रूग्णालय
- अभिषेकासाठी भरपूर जागा
- सीसीटीव्हीची सोय
- पिण्यासाठी शुद्ध पाणी

सुरक्षेसाठी संपर्क क्रमांक -
घोडेगाव पोलिस ठाणे - ०२१३३-२४४१३३
मोबाईल क्रमांक ९४२२४३२५१७

चारही श्रावणी सोमवारी नित्यपूजा, दर्शनाची व्यवस्था असते. महाशिवरात्रीला कीर्तन सोहळा, सप्ताह असतो. लवकरच भक्तनिवासाचे काम सुरू करणार आहे.
बबनराव गव्हाणे, भरत गव्हाणे