घोडेगावात शांततेत मिरवणुका

घोडेगाव, ता. ७ ः घोडेगाव (ता. आंबेगाव) व परिसरातील १५ गावांमध्ये गणेश विसर्जन मिरवणुका शांततेत पार पडल्या. घोडेगाव शहरातील शेवटचे विसर्जन रात्री १२ वाजता झाले.
येथील गणेश विसर्जन मिरवणुका पारंपरिक वाद्य व ढोल ताशांच्या गजरात झाले. कोणत्याही गावात डीजे वाजवला नसल्याचे नागरिक व सहाय्यक पोलिस निरिक्षक सागर पवार यांनी सांगितले. घोडेगाव शहरात १८ गणेश मंडळांनी मिरवणुकीत भाग घेतला. चावडी चौकातील धर्मज्ञ बाल गणेश मित्र मंडळाने ढोल ताशांच्या गजरात मिरवणूक काढली. शिव बालगणेश मंडळ व श्री संत सावतामाळी गणेश मंडळाच्या मिरवणुकीत महिलांच्या सहभागाने लक्ष वेधले होते. या मिरवणुकीत युवक अमित कर्पे यांनी तात्या विंचू प्रतिकृती सादर करून मनोरंजन केले. नारोडी येथील शितळादेवी गणेश मंडळाने मंदिर बांधकामाच्या संकल्प केला आहे. नारोडी येथील गणेश मिरवणुकीत आठ मंडळांनी सहभाग घेतला. चिंचोली, गिरवली, कोलदरे, गोनवडी, साल, ढाकाळे, धोंडमाळ, शिंदेवाडी, लांडेवाडी, पिंगळवाडी येथील मिरवणुका शांततेत पार पडल्या.
घोडेगाव पोलिस ठाण्याचे सहाय्यक पोलिस निरिक्षक सागर पवार यांनी सांगितले की, ‘‘घोडेगाव पोलिस ठाण्याच्या हद्दीत ४३ गावात डीजे मुक्त विसर्जन मिरवणुका पार पडल्या. घरगुती १००० हून अधिक, तर १२५ गणेश मडळांच्या गणेशाचे विसर्जन करण्यात आले. चोख बंदोबस्तामुळे कोणताही अनुचित प्रकार घडला नाही.