आमोंडी शाळेत उलगडला जीवनपट

घोडेगाव, ता. ३ ः आमोंडी (ता. आंबेगाव) येथील जिल्हा परिषद शाळेत क्रांतिज्योती सावित्रीबाई फुले जयंती उत्साहात साजरी करण्यात आली. यावेळी शिक्षिका आशा पाटील, अलका उंडे यांनी मार्गदर्शन केले.
सावित्रीच्या वेशातील मुलींनी सर्वांची मने जिंकली. सुषमा फलके, धम्मश्री पाडळे, आरुषी फलके, वैष्णवी काळे या विद्यार्थिनींनी सावित्रीबाई फुले यांचा जीवनपट आपल्या भाषणातून उभा केला. याप्रसंगी सह्याद्री आदिवासी विकास प्रतिष्ठानचे अनाथ निराधार मुलांचे संगोपन केंद्र पळस्टीकाचे व्यवस्थापक विलास पंधारे यांच्या तर्फे सर्व विद्यार्थ्यांना खाऊचे व शैक्षणिक साहित्याचे वाटप करण्यात आले. कार्यक्रमाचे नियोजन मुख्याध्यापिका वैशाली भोंडवे, सुनील पाटील, संगीता वळसे, विजय पवार यांनी केले.