कांबळे, कंक, ओगले, नाझिरकर यांचा सासवड येथे सेवानिवृत्तीनिमित्त सत्कार

सासवड शहर, ता.६ : पुरंदर पंचायत समितीमधील पंचायत समिती विस्तार अधिकारी सुहास कांबळे यांच्यासह शिक्षण विस्तार अधिकारी दत्तात्रेय कंक, रंजना ओगले आणि शिपाई नागेश नाझिरकर यांचा सेवानिवृत्ती सत्कार करण्यात आला.
कार्यक्रमात सेवा निवृत्त होत असलेल्या कर्मचाऱ्यांबद्दल अनेकांनी विविध आठवणीं सांगत त्यांच्या विषयी गौरोदगार काढले. सेवानिवृत्त लेखाधिकारी तथा स्वकुळ साळी समाज बांधव पंडितराव मर्ढेकर, हेमंत ताकवले, मुबारक शेख, गोरखनाथ ओगले यांनी या वेळी विचार मांडले. यावेळी बाबाराजे जाधवराव यांनी सुहास कांबळे यांच्या विषयी कौतुकास्पद मनोगत व्यक्त केले.
यावेळी मावळते गट विकास अधिकारी अमर माने, नव्याने रुजू झालेल्या गट विकास अधिकारी बॉ. अमिता पवार, गट शिक्षण अधिकारी नीलेश गवळी, सुदाम इंगळे, बबनराव कामथे, श्यामकांत भिंताडे, अलका बडदे यांसह अधिकारी, कर्मचारी व सत्कारमूर्तीचे नातेवाईक यावेळी उपस्थित होते.
दरम्यान, कांबळे, कंक, ओगले यांनीही या वेळी सत्काराला उत्तर दिले. यावेळी माळशिरसमधील एका अत्यंत गरीब कुटुंबातील मुलाला शिक्षणासाठी दत्तक घेत असल्याचे सुहास कांबळे यांनी जाहीर केले. सहायक लेखा अधिकारी जोशी काका यांनी सूत्रसंचालन केले.

07001