वारवडीत अस्मिता भवनाचा लोकार्पण सोहळा

गराडे, ता. ३ : कल्पतरू फाउंडेशन आणि थापेवाडी-वारवडी ग्रामपंचायत यांच्यावतीने वारवडी येथे महिला अस्मिता भवन या नवीन वास्तूचा लोकार्पण सोहळा फाउंडेशनच्या प्रमुख अनधा पुजारी यांच्या हस्ते उत्साहात पार पडला.
‘‘वारवडी व गराडे पंचक्रोशीत महिला अस्मिता भवनाचे लोकार्पण हे पंचक्रोशीतील महिला सक्षमीकरणाच्या दिशेने टाकलेले एक पाऊल आहे. यामुळे या पंचक्रोशीच्या विकासाला हातभार लागेल. तसेच महिलांना त्यांच्या विविध कार्यक्रमांसाठी व बैठकांसाठी व्यवसायाचे साहित्य बनविण्यासाठी यांचा उपयोग होईल,’’ असे प्रतिपादन माजी सनदी अधिकारी संभाजीराव झेंडे यांनी केले.
यावेळी माजी जिल्हा परिषद सदस्य गंगाराम दादा जगदाळे, दिव्याक्षी खळे, योगेश फडतरे, वामन कामठे, शेखर पिसे, मोहन जगदाळे, प्रकाश भालेराव, दत्तात्रेय जगदाळे, सरपंच नवनाथ गायकवाड, उपसरपंच नितीन जगदाळे, आप्पा खवले, सरपंच रूपाली खवले, उपसरपंच नीलेश जगदाळे यांच्यासह ग्रामपंचायत सदस्य, नागरिक व महिला मोठ्या संख्येने उपस्थित होत्या.