सासवड एसटी आगारासाठी नवीन पाच लालपरींची भेट

सासवड शहर, ता. ८ : सासवड (ता. पुरंदर) येथील एसटी बस आगाराला नवीन ५ लालपरी बस भेटल्या आहेत. आणखी १० बस मिळण्यासाठी पाठपुरावा केला जाईल, अशी ग्वाही आमदार विजय शिवतारे यांनी दिली.
सासवड एसटी आगारास मिळालेल्या नवीन ५ बसचे उद्‍घाटन नुकतेच झाले. त्याप्रसंगी शिवतारे बोलत होते. माजी आमदार अशोक टेकवडे, भाजपचे जिल्हाध्यक्ष शेखर वढणे, शिवसेनेचे तालुकाप्रमुख हरिभाऊ लोळे, महिला जिल्हा उपप्रमुख वैशाली काळे, ग्राहक मंचाचे अध्यक्ष रामदास मेमाणे, राष्ट्रवादी कॉंग्रेसच्या महिला अध्यक्षा नीता सुभागडे, अंकुर शिवरकर, स्थानक प्रमुख प्रवीण माळशिकारे, लेखाधिकारी स्वाती कुंभार, कामगार संघटनेचे सचिव महेश भोंगळे, कार्याध्यक्ष कैलास जगताप, सोसायटीचे अध्यक्ष विकास काकडे, प्रवासी संघटनेचे अध्यक्ष तानाजी सातव, राजेंद्र झेंड, शेतकरी संघटनेचे अध्यक्ष दिलीप गिरमे, माजी नगरसेवक सचिन भोंगळे, राजेश दळवी आदी उपस्थित होते.
सासवड डेपोचे आगार व्यवस्थापक सागर गाडे यांनी स्वागत; तर वाहतूक नियंत्रण पोपट जैनक यांनी सूत्रसंचालन केले. कामगार संघटनेचे अध्यक्ष सुरेश कडू यांनी आभार मानले.