कोडीत खुर्द येथे नवागतांना पुस्तक वाटप

गराडे, ता. १७ : कोडीत खुर्द (ता. पुरंदर) येथील शाळेत नवागतांचे स्वागत पुस्तक वाटप करून करण्यात आले. विद्यार्थी व शिक्षकांना नवीन शैक्षणिक वर्षासाठी हार्दिक शुभेच्छा देत प्रथम प्रवेश घेणाऱ्या इयत्ता पहिलीतल्या विद्यार्थ्यांचे महाराष्ट्र राज्याचे शिक्षण संचालक महेश पासलकर यांनी स्वागत केले.
यावेळी पंचायत समिती गटशिक्षणाधिकारी वैभव डुबल, विस्ताराधिकारी प्रताप मेमाणे, केंद्रप्रमुख अद्वैत चिंतामणी, सरपंच छाया खैरे, शाळा व्यवस्थापन समिती अध्यक्ष जयश्री तळेकर, उपाध्यक्ष अश्विनी खैरे, सदस्य कल्याणी दिघे, वंदना दिघे, सचिन औचरे, स्वाती औचरे, राजेंद्र बाठे, गायकवाड गजानन, गोकूळ जरांडे, जानवी नाईक, मंगल कांबळे आदी उपस्थित होते. कार्यक्रमाचे नियोजन मुख्याध्यापक शोभा कामठे, पदवीधर शिक्षक गोरक्षनाथ चव्हाण, उपशिक्षिका अनिता शेलार, भाग्यश्री कुंजीर, रंजना राऊत यांनी केले.