जाधववाडी येथे रंगली ‘स्वप्नातील शेती’ स्पर्धा

गराडे ता.३ : जाधववाडी (ता.पुरंदर) येथील अंगणवाडी केंद्र क्र. १ येथे कृषी दिनी ‘माझ्या स्वप्नातील शेती’ या विषयावर चित्रकला स्पर्धेचे आयोजन केले होते. या स्पर्धेत लहान मुलांनी शेतीचे भविष्य आपल्या दृष्टिकोनातून रंगवले.
यावेळी विद्यार्थिनींची योजना सादरीकरण, संवादकौशल्य, आणि ग्रामसंवाद कौशल्य दिसून आले. कृषी विद्यापीठ, राहुरी अंतर्गत, कृषी महाविद्यालय, पुणे ग्रामीण कृषी कार्यानुभव (रावे) विद्यार्थिनी दिवे ग्रामपंचायतीचे सरपंच रूपेश राऊत यांच्या उपस्थितीत कार्यक्रमाचे आयोजन करण्यात आले होते. या वेळी तेजल जिरवणकर, महेश्वरी जंगम, दिशा लादे, शाल्मली अव्हाळे, ज्ञानेश्वरी बुट्टे, प्रतीक्षा आवटे, किशोरी कुदळे आणि वैष्णवी माने या विद्यार्थिनींनी गावकऱ्यांच्या उपस्थितीत गावातील नागरिकांना केंद्र सरकार आणि राज्य सरकारच्या विविध कृषी योजनांची सविस्तर माहिती देण्यात आली.