सासवडच्या फार्मसी महाविद्यालयाचे उज्ज्वल यश

सासवड शहर, ता. ८ : पुणे जिल्हा शिक्षण मंडळाचे शेठ गोविंद रघुनाथ साबळे औषधनिर्माणशास्त्र महाविद्यालय सासवडच्या विविध परीक्षांचा निकाल जाहीर झाला आहे. दरवर्षीप्रमाणे विद्यार्थ्यांनी भरघोस यश संपादन केले आहे. यामध्ये महाराष्ट्र तंत्र शिक्षण मंडळाने घेतलेल्या पदविका उन्हाळी परीक्षेचा निकाल ९२ % आहे.
यात सेजल शिंदे, शीतल माने (द्वितीय वर्ष), अभिषेक मगर, वंदना गरुड यांनी प्रथम क्रमांक मिळवला. सावित्रीबाई फुले विद्यापीठ पुणे यांनी घेतलेल्या पदवी परीक्षांचा निकाल १००% आहे. यामध्ये कृष्णा यादव (प्रथम वर्ष), सयूरी पंडित (द्वितीय वर्ष), श्वेता कौलुगे (तृतीय वर्ष) आणि सुमय्या सय्यद (अंतिम वर्ष) यांनी प्रथम क्रमांक मिळवला. तसेच, राष्ट्रीय पातळीवर घेण्यात आलेल्या नॅशनल इन्स्टिट्यूट ऑफ फार्मास्युटिकल एज्युकेशन ॲण्ड रिसर्चमध्ये ०९, ग्रॅज्युएट फार्मसी ॲप्टिट्यूड टेस्ट ऑफ फार्मसीमध्ये ०६ आणि गेट परीक्षेमध्ये ०४ विद्यार्थ्यांनी उज्ज्वल यश संपादन केले.
या यशाबद्दल संस्थेचे अध्यक्ष, उपमुख्यमंत्री अजित पवार, अध्यक्ष प्रतिनिधी राजेंद्र घाडगे, सचिव संदीप कदम, उपसचिव एल. एम. पवार, खजिनदार मोहनराव देशमुख, सहसचिव ए. एम. जाधव आणि प्राचार्या डॉ. राजश्री चव्हाण यांनी अभिनंदन केले.